Aqtóbedegi kólik apatynan 2 balasy bar áıel kóz jumdy
AQTÓBE. QazAqparat - Aqtóbede jol-kólik oqıǵasy kezinde eki balanyń anasy kóz jumdy, dep habarlaıdy QazAqparat tilshisi.
Apat bolǵan Aqtóbe-Orsk trassasyna jóndeý jumystary júrip jatqandyqtan, onda jol belgileri qoıylmaǵan . 37 jastaǵy kelinshek keshkilik jumysynan úıine qaıtyp kele jatyp, joldy kesip ótpek boldy. Sol kezde ony kólik qaqty.
«23 jastaǵy jigit Aqtóbe-Orsk tasjolymen kele jatyp, 37 jastaǵy kelinshekti qaǵyp ketti. Áıel oqıǵa ornynda kóz jumdy. Osy oqıǵaǵa baılanysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» baby boıynsha qylmystyq is qozǵaldy»,- dep habarlady Aqtóbe oblystyq ІІD baspasóz qyzmeti.
Aıta keteıik, qaza bolǵan kelinshektiń eki uly bar. Bireýi bıyl mektep bitirip, kenjesi balabaqshaǵa barady. Kýágerlerdiń aıtýynsha, júrgizýshi oqıǵa ornynan ketip qalǵan. Keıin ony kórshileri izdep, taýyp aldy.
