Aqtóbedegi kólik apaty: Júrgizýshi áıel rýlge mas kúıinde otyrǵan
AQTÓBE. QazAqparat – Aqtóbe oblystyq Polıtsııa departamenti jol-kólik oqıǵasynyń vıdeosyn jarııalady. Tekserý kezinde júrgizýshi áıeldiń mas kúıde rýlge otyrǵany belgili boldy, dep habarlaıdy QazAqparat tilshisi.
Aqtóbede bolǵan jol-kólik oqıǵasy týraly jańa málimetter men vıdeo shyqty. Qyzyl tústi «Daewoo Nexia» avtokóliginiń júrgizýshisi burylysta rýlge ıe bola almaı, «Lada Priora» jáne «Opel Vectra» avtokólikterimen soqtyǵysqan. Oblystyq Polıtsııa departamenti jergilikti basqarý ortalyǵynyń beınebaqylaý kameralaryna túsken vıdeony taratty.
«Soqqy saldarynan «Daewoo Nexia» avtokóligi órtenip ketken. Oqıǵa ornyna polıtsııa qyzmetkerleri men órt sóndirý qyzmeti kelgen. Oblystyq Polıtsııa departamenti Anyqtaý basqarmasy bastyǵynyń mindetin atqarýshy Elmıra Sýlıkanovanyń aıtýynsha, 31 jastaǵy áıel «Daewoo Nexia» avtokóligin mas kúıinde júrgizgen. Jol-kólik oqıǵasy saldarynan «Daewoo Nexia» avtokóliginiń júrgizýshisi men jolaýshy jáne «Lada Priora» avtokóliginiń júrgizýshisi túrli jaraqattarmen Aqtóbe qalasynyń jedel medıtsınalyq járdem aýrýhanasyna jetkizildi. «Daewoo Nexia» avtokóliginiń júrgizýshisi jansaqtaý bóliminde jatyr. Ózgesiniń jaǵdaıy qanaǵattanarlyq», - dep habarlady oblystyq PD baspasóz qyzmetiniń jetekshisi Erbolat Sarqulov.
Buǵan deıin habarlaǵanymyzdaı, búgin saǵat 6:00-de Aqtóbe qalasynda úsh kólik soqtyǵysyp, úsh adam aýrýhanaǵa tústi.
