Aqtóbedegi keı avtobýstarda jolaqy eki ese arzandady
AQTÓBE. QazAqparat - VISA halyqaralyq tólem júıesi bar jolaýshylar 80 teńge emes, 40 teńge tóleıdi, dep habarlaıdy QazAqparat tilshisi.
Aqtóbede qoǵamdyq kóliktegi bılet quny - 80 teńge. Jolaýshylar tasymalymen eki kompanııa aınalysady. Olar: «Avtopark» jáne «Aqtóbe qalasynyń Jolaýshylar avtokólik kásiporny» JShS.
«Aqtóbe qalasynyń jolaýshylar avtokólik kásiporny» JShS VISA halyqaralyq tólem júıesimen birge «Kez kelgen Visa kartasymen jol aqysyn tóleńiz jáne 50% jeńildik alyńyz» atty aktsııa bastady. Onyń sharty qarapaıym: VISA kartasynyń ıeleri jol aqysyn osy kartamen tólegen kezde 50 paıyz jeńildik alady. 80 teńge ornyna VISA kartasymen tóleıtin jolaýshy - 40 teńge, zeınetker - 30 teńge tóleıdi. Jeńildikter tek №1, 2, 5, 8, 23, 32, 40, 45, 48, 51, 52 baǵytyndaǵy avtobýstarda qarastyrylǵan», - dep habarlady qala ákiminiń baspasóz qyzmeti.
