Aqtóbedegi ken ornynda 4 jumysshy kóz jumdy
AQTÓBE. QazAqparat - Aqtóbeniń Hromtaý aýdanyndaǵy ken ornynda tórt jumysshy kóz jumdy, dep habarlaıdy QazAqparat tilshisi.
30 jeltoqsan kúni saǵat 21: 21-de Hromtaý aýdandyq órt sóndirý bóliminiń pýltine Kóktaý kentinen 30 shaqyrym jerde ornalasqan «Aqtóbe mys kompanııasy» JShS-niń «Vesennıaıa Aralchınskaıa» shahtasynda jarylys jumystary júrgizilgeni, sol kezde tórt jumysshynyń qaza bolǵany týraly habarlama kelip tústi.
«Oqıǵa ornyn barlaý kezinde 4 jumysshynyń qaza tapqany jáne bir adamnyń zardap shekkeni anyqtaldy. Qazirgi ýaqytta zardap shekken jumysshyny medıtsına qyzmetkerleri tekserip jatyr. Oqıǵanyń sebebi anyqtalýda. Oblys ákimi Ońdasyn Orazalınniń tapsyrmasy boıynsha oqıǵanyń mán-jaıyn anyqtaý úshin oblys ákiminiń orynbasary S.Bekbergenov jáne TJD qyzmetkerleri shyqty», -dep habarlady oblys ákiminiń baspasóz qyzmeti.
