Aqtóbedegi qaıyrymdylyq balda 5 mln teńge jınaldy
Medıtsınalyq ýnıversıtet bıyl taǵy da qaıyrymdylyq balyn ótkizdi. Shara segizinshi ret uıymdastyryldy. Keshke «Úzdik medıtsınalyq kásiptik bilim berýdi ınternatsıonaldandyrý: Bolashaqqa kózqaras» halyqaralyq ǵylymı-bilim berý konferentsııasyna qatysqan sheteldik ǵalymdar, qala ákimi Іlııas Ispanov jáne joǵary oqý ornynyń oqytýshylary men stýdentter qatysty.
«Aqtóbe oblystyq, qalalyq ákimdikteri, oblystyq máslıhattyń qoldaýymen dástúrli qaıyrymdylyq sharasy ótti. Bal kezinde jınalǵan 5 mıllıon teńgeden astam qarjy az qamtylǵan otbasylarǵa, múgedektik balalarǵa, jetim balalarǵa jiberildi»,- dedi Marat Ospanov atyndaǵy BQMMÝ rektory Erbol Bekmuhambetov.
Aıta ketsek, bıyl bal «Baqytty bala» ataýymen ótti. Barlyǵy 20 balanyń ata-anasyna 100 myń teńgeniń sertıfıkaty tabys etildi. Sonymen qatar, ata-anasynyń qamqorlyǵynsyz qalǵan ýnıversıtettiń 38 stýdenti 50 myń teńgeniń sertıfıkatyn ıelendi.
