Aqtóbedegi qarttar úıi áleýmettik jeli qoldanýshysynan moraldyq shyǵyndy óndire almady
AQTÓBE. QazAqparat - Aqtóbedegi qarttar men múgedekter úıi áleýmettik jeli qoldanýshysy Nadejda Ivannıkova sotqa berip, 300 myń teńge moraldyq shyǵyn talap eken bolatyn.
Sot talapkerdiń talap aryzyn qanaǵattandyrǵan joq,dep habarlaıdy QazAqparat tilshisi.
Aqtóbedegi qarttar men múgedekter úıine ájesin tapsyryp, keıin onyń jaǵdaıyn kórýge barǵan nemeresi Nadejda Ivannıkova keshki asqa kartop ezbesi men balyq bergenin kórip, sýretke túsirgen. Ol sýretti áleýmettik jelige salyp, qarttarǵa tolyqqandy jaǵdaıdyń qashan jasalatynyn suraǵan bolatyn. Buǵan deıin habarlaǵanymyzdaı, áleýmettik jelide qyzý talqylanǵan sýret pen habarlamadan soń qarttar men múgedekterdiń ınternat úıi Nadejda Ivannıkovany sotqa berdi . Sot ar-ojdanymyzdy taptady dep shaǵymdanǵan ınternat úıiniń talap aryzyn qanaǵattandyrmady.
«Sot aryzdy qanaǵattandyrǵan joq. Biz appelıatsııalyq shaǵym berýimiz múmkin. Qazir osy iske qatysty zańgermen, basshylarmen aqyldasamyz»,- dedi Aqtóbedegi qarttar men múgedekter úıi dırektorynyń orynbasary Bolat Isaev.
