Aqtóbedegi iri óndiris oryndary ǵylymǵa qarjy bólýge asyǵar emes
AQTÓBE. QazAqparat - Q.Jubanov atyndaǵy Aqtóbe óńirlik memlekettik ýnıversıteti iri óndiris oryndarymen memorandýmǵa qol qoıdy. Biraq ǵylymǵa qarjy bólýi tıis kompanııalar kelisimdi oryndamaı otyr, dep habarlaıdy QazAqparat tilshisi.
Q.Jubanov atyndaǵy Aqtóbe óńirlik memlekettik ýnıversıteti aımaqtaǵy 27 qytaılyq kompanııamen memorandýmǵa qol qoıdy . Kelisimge sáıkes kompanııalar bilim men ǵylymdy damytýǵa qarjy bólýi tıis. Al joǵary oqý ornynyń jas ǵalymdary túrli ǵylymı zertteý jumystaryn júrgizip, óndiriske qajetti jobalardy usynady. Biraq bul kelisim áli kúnge deıin oryndalǵan joq.
«Іri kompanııalar tabystyń 1 paıyzyn ǵylymǵa bólse, óńirde kóp másele sheshiler edi. Aqtóbedegi ferrohrom zaýyty ǵylymı zertteý ınstıtýtyn ashyp qoıǵan, zań talaptaryn oryndap otyr. Biraq jergilikti jas ǵalymdarǵa da qoldaý kerek. Al qytaılyq 27 kompanııadan áli kúnge deıin habar joq. Sheteldik kompanııalarǵa qajetti jańa jobalardy Aqtóbedegi tehnoparkter oryndaı alady. Máselen, ýnıversıtette óndiriske arnalǵan pesh bar. Ferroqorytpa zaýytyna qajetti peshti óndiris ornymen birlese kádege jaratamyz. Peshte temirdi balqytyp, zaýytqa satamyz. Ýnıversıtet, ferroqorytpa zaýyty men «Traktor» JShS arasynda úshjaqty kelisim shartqa qol qoıylady. Aıyna 10 tonna qaldyqtardy óńdeýge shamamyz jetedi», - dedi Q.Jubanov atyndaǵy Aqtóbe óńirlik memlekettik ýnıversıtetiniń prorektory Raqym Beknazarov.
Aıta keteıik, Q.Jubanov atyndaǵy Aqtóbe óńirlik memlekettik ýnıversıtetiniń ǵalymdary ıAnka Kýpala atyndaǵy Grodno memlekettik ýnıversıteti jáne «Aktıýbrentgen» AQ-men birigip fızıka kabınetine qural-jabdyqtardy daıyndaýdy qolǵa aldy. Bul mektepterdegi eski qural-jabdyqtardy jańalap, túrli synaq, tájirıbelerdi ótkizýge arnalǵan qurylǵyny jergilikti jerde shyǵarýǵa múmkindik beretin joba.
