Aqtóbedegi eńbek ınspektsııasy munaıshylarǵa ekologııalyq qosymsha aqynyń qysqarý sebebin túsindirip berdi
AQTÓBE. QazAqparat - Ekologııalyq aımaqta turatyn munaıshylar eńbekaqyǵa 20 paıyzdyq qosymsha aqy alady. Búgin Aqtóbe oblystyq eńbek ınspektsııasy munaıshylarǵa osy ekologııalyq qosymsha aqynyń qysqarý sebebin túsindirip berdi, dep habarlaıdy QazAqparat tilshisi.
«Aral óńirindegi ekologııalyq qasiret saldarynan zardap shekken azamattardy áleýmettik qorǵaý týraly» QR Zańyna sáıkes sol aımaqta turatyn, mekenjaıy boıynsha tirkelgen azamattar ózge óńirlerde jumys istegenimen, eńbekaqyǵa 50 paıyzdyq ekologııalyq qosymsha aqy alyp keldi. Al bıyl QR Eńbek jáne halyqty áleýmettik qorǵaý mınıstrigi buıryq shyǵaryp, endi ekologııalyq aımaqta turyp, sol jerde jumys istegender ǵana tolyqqandy qosymsha aqy alatynyn málimdedi. Qazirgi kezde ózge óńirlerge jumysqa baryp, tabys taýyp júrgen munaıshylar eńbekaqyǵa 20 paıyzdyq qosymsha aqy alyp júr.
«2016 jyldan bastap Aral mańynda turatyn azamattarǵa tıesili qosymsha aqyny alyp tastady. Biz sebebin surap «SNPS-Aqtóbemunaıgaz» AQ-na, prokýratýraǵa aryz jazdyq. Bári Eńbek jáne halyqty áleýmettik mınıstrliginiń buıryǵyna súıenip, ekologııalyq qosymsha aqynyń 50 paıyz emes, 20 paıyzǵa tómendegenin jetkizdi. ıAǵnı, sol aımaqta turyp, sol jerde jumys isteıtin adamdar ǵana eńbekaqyǵa 50 paıyz qosymsha aqy alady. Sol jerde turyp, munaıly óńirinde jumys istep júrgen biz tek 20 paıyzdyq qosymsha aqy alamyz. Bizdiń balalarymyz bar. Nesıe óteý de qıyn bolyp ketti»,- dedi munaıshy Shamıl Týhvatýllın.
20 jyldan astam ýaqyt boıy munaı salasynda eńbek etip júrgen Dáýrenbek Jambylov kúni búginge deıin 150 myń teńge aılyq alsa, 50 paıyzdyq qosymsha aqy qysqarǵan soń 110 myń teńge eńbekaqy alyp júr. «Ekologııalyq aımaqta turatyn bolǵan soń qosymsha aqyny densaýlyǵymyzdy qalpyna keltirýge jumsaımyz. Bala-shaǵamyzdy asyrap, olardy oqytýymyz kerek. Al azyq-túlik baǵasy kún ótken saıyn qymbattap barady»,- dedi Dáýrenbek Jambylov.
Munaıshylar arasynda daý týǵyzǵan bul másele týraly oblystyq eńbek ınspektsııasy habardar. Olar da buǵan deıin aryz qabyldap, jaýap bergen.
«SNPS-Aqtóbemunaıgaz» AQ bul sheshimdi qabyldamas buryn birneshe memlekettik organǵa habarlasyp, sońǵy jyldary ekologııalyq qosymsha aqy alatyn adardardyń sany artqanyn aıtty. Aqtóbe oblysy boıynsha Shalqar aýdany túgel ekologııalyq aımaqqa kiredi. Sonymen qatar, Temir, Muǵaljar, Baıǵanın aýdandarynyń belgili bir bóligi tizimge engen. Nelikten ekologııalyq aımaqta turatyn jumysshylar sany kóbeıdi? Osy suraqtyń jaýabyn izdeý kezinde munaı kompanııasy arnaıy zertteý júrgizdi. Olardyń aıtýynsha, qalada turatyn jumysshylar da ekologııalyq aýdandardaǵy úılerge tirkelip, ekologııalyq qosymsha aqy men eńbek demalysyna qosymsha kúnder alyp júr eken. Munaı kompanııasy bul úrdisti toqtata almaǵan. Keıin Eńbek jáne halyqty áleýmettik qorǵaý mınıstrligine habar berildi. Mınıstrlik ekologııalyq aımaqta turyp, sol jerde jumys isteıtin adamdar ǵana eńbekaqyǵa 50 paıyzdyq qosymsha aqy alatynyn túsindirip bergen»,- dedi oblystyq eńbek ınspektsııasynyń basshysy Mırbolat Raıymqulov.
Aıta keteıik, buǵan deıin munaı kompanııalarynda jumys istep júrgen 903 jumysshy eńbekaqyǵa 50 paıyzdyq qosymsha aqy aldy. Zańnama ózgergen soń munaı kompanııasynda jumys istep júrgen 2 myńnan astam munaıshy eńbekaqysyna 20 paıyzdyq qosymsha aqy tólene bastady. Eńbekaqyǵa qosymsha jumysshynyń meken jaıyna emes, jumys istep júrgen jerine baılanysty ǵana berilip jatyr.
