Aqtóbedegi emdeý mekemelerinde karantın shekteýi kúsheıdi
Aqtóbe oblystyq sanıtarııalyq-epıdemıologııalyq baqylaý departamenti oblystyq densaýlyq saqtaý basqarmasynyń qyzmetine qatysty karantın shekteýin kúsheıtti. Qaýlyǵa sáıkes vırýs juqtyrǵan adamdardy ýaqytyly anyqtaý jáne oqshaýlaý úshin barlyq densaýlyq saqtaý nysanynda súzgi, patsıentterdiń dene qyzýyn ólsheýge arnalǵan teplovızory bar shlıýzder úzdiksiz jumys isteýi tıis.
«Beıindi mamandardyń naýqastardy qabyldaýy kezinde kezek bolmaýy qajet. Vaktsına saldyrý, klınıkalyq-dıagnostıkalyq zertteýden ótý úshin (shuǵyl jaǵdaılardan basqa patsıentterdi aldyn ala jazylý boıynsha qabyldaý) medıtsınalyq uıymnyń árbir qabatyna jaýapty qyzmetker bekitiledi. Qyzmetkerler men patsıentterdiń las aımaqtan taza aımaqqa aýysýyna bolmaıdy. Patsıentterdiń kúndelikti aǵynyn hırýrgııalyq jáne terapııalyq beıini boıynsha bólekteý kerek», - dep jazylǵan qaýlyda.
Aıta keteıik, qazirgi kezde oblys boıynsha 1 268 adam aýrýhanada jatyr. Onyń 97-si jansaqtaý bóliminde.
