Aqtóbedegi Elek ózeni jaǵasynan eki adamnyń denesi tabyldy, ekeýinde de qınaý belgileri bar
Aqtóbe oblysy prokýrorynyń kómekshisi Órken Eşanovtyń habarlaýynsha, keshe saǵat 20:14-te qalalyq polıtsııa bólimi jedel basqarý ortalyǵyna aqparat tústi. Onda Keńes Nokın dańǵyly boıynda ornalasqan «Oazıs» monsha keshenine qarsy bettegi Elek ózeniniń jaǵasynda belgisiz adamdardyń denesi tabylǵany aıtyldy.
«Kelip túsken aqparatty tekserý úshin oqıǵa ornyna oblys prokýrory men jedel tergeý toby bardy. Aǵashtar arasynan 1991 jyly týǵan A. Kóshkimbaev jáne 1995 jyly týǵan S. Týleýovtyń denesi tabyldy. Ekeýin de qınap óltirgenin dáleldeıtin belgi bar. Sol sebepti, atalǵan derekke baılanysty Almaty aýdany №3 qalalyq polıtsııa bólimi Qylmystyq kodekstiń 99-baby 1-tarmaǵy 2-bóligi negizinde sotqa deıingi tergep-tekserýdi bastady. Qylmystyq is boıynsha protsess prokýrory taǵaıyndaldy. Tergeý barysyn oblys prokýrory baqylaýǵa aldy», - dedi Aqtóbe oblysy prokýrorynyń kómekshisi Órken Eşanov.
