Aqtóbedegi dala órtine qatysty isti prokýratýra baqylaýyna aldy

AQTÓBE. QazAqparat - Aqtóbe oblysy, Áıteke bı aýdany, Sulýkól aýylynda bolǵan dala órti kezinde 4 adam qaza boldy. Qylmystyq isti aýdan prokýratýrasy baqylaýyna aldy, dep habarlaıdy QazAqparat tilshisi.

Aqtóbedegi dala órti kezinde Sulýkól aýylynyń ákimi Batyrbek Birlepesov, muǵalim Joldybek Ábdisálimov pen mekteptegi jumysshy Jomart Smaılov, jeke sharýashylyqta eńbek etken Jańabaı Ábishev kóz jumdy. Buǵan deıin habarlaǵanymyzdaı, aqtóbelikter órt kezinde qaza bolǵan aýyl azamattaryn keshe aqtyq saparǵa shyǵaryp saldy. Búgin Jomart Smaılov Jańabaı Ábishevti jerleý rásimi ótti. 

Aıta keteıik, osy oqıǵaǵa qatysty Qylmystyq kodekstiń «Órt qaýipsizdigi talaptaryn buzý» baby boıynsha is qozǵaldy. Qylmystyq isti prokýratýra baqylaýǵa aldy . 

«Іshki ister organdary Qylmystyq kodekstiń «Órt qaýipsizdigi talaptaryn buzý» baby boıynsha Aqtóbe oblysy, Áıteke bı aýdanyndaǵy dala órti kezinde qaza bolǵandarǵa qatysty istiń tergeý jumystaryn bastady. Kodekstiń «Abaısyzda eki nemese odan da kóp adamnyń ólimine ákep soqqan is-áreket» tarmaǵy boıynsha is qaralyp jatyr. Іske Áıteke bı aýdanynyń protsessýaldy prokýrory jetekshilik etedi»,- dedi Aqtóbe oblysy prokýratýrasynyń apparat jetekshisi Jasulan Dáýlembaev.