Aqtóbedegi burynǵy hımııa zaýytynyń ornyn tazartý jobasy eskirip qaldy
Aqtóbeniń Alǵa qalasynda S. Kırov atyndaǵy hımııa zaýyty boldy. Munda myńdaǵan adam jumys istep, óndiris orny 90-jyldardyń sońyna deıin saqtaldy. Bankrot bolǵan kompanııanyń qazir qańyraǵan ǵımaraty ǵana qaldy. Bári ýly, zııandy bolǵan soń, ony kómip, zalalsyzdandyrý qajet. 2017 jylǵy málimetke súıensek, Alǵa hımııalyq zaýytynyń ornyn zalalsyzdandyrýǵa 7 mıllıard teńge qajet.
Arada jyldar ótkenimen, qarjy bólinbedi. Aqtóbe oblystyq ekologııa departamenti basshysy orynbasarynyń mindetin atqarýshy Turar Qojanovtyń aıtýynsha, joba qaıta qaralyp, túzetiledi.
«2022 jyly Aqtóbe oblystyq tabıǵı resýrstar jáne tabıǵat paıdalanýdy retteý basqarmasy tapsyrys berip, «Aqtóbe Stroı Ekspert» JShS-i «Qaldyqtardy, onyń ishinde qaýipti ónerkásiptik qaldyqtardy, burynǵy Alǵa hımııa zaýytyn túgendeý» jobasyn jasady. Qaldyqtardyń pasportyn jasady. Jumystar aıaqtaldy, esep daıyndalyp jatyr. 2023 jyly «Kırov atyndaǵy burynǵy Alǵa hımııa zaýytynyń aýmaǵynda ornalasqan qaýipti qaldyqtardy (hımııalyq jáne ónerkásiptik qaldyqtardy, shlam jınaǵyshtardyń qaldyqtaryn) joıý» jobalaý-smetalyq qujattamasyn túzetý josparlanyp otyr», - dedi Turar Qojanov.
Sonymen birge Aqtóbeniń ekologııalyq jaǵdaıyna Elek ózeniniń alty valentti hrommen lastanýy da keri áserin tıgizedi.
«Elek ózeni jerasty sýlarynyń alty valentti hrommen lastaný oshaǵyn zertteý úshin ǵylymı-zertteý jumystary júrgizildi. Ol úshin jergilikti bıýdjetten 96,4 mlnteńge bólindi. Al «Geoterm» JShS-imen aradaǵy kelisim 86,8 mln teńgege jasaldy. Merdiger dala jumystaryn júrgizdi. Uńǵymalar men jer ústi kózderinen sý synamalaryn alý aıaqtaldy. Esep daıyndalyp jatyr», - dedi Aqtóbe oblystyq ekologııa departamenti basshysy orynbasarynyń mindetin atqarýshy Turar Qojanov.
Ashyq kózderden alynǵan foto
