Aqtóbedegi býkmekerlik keńselerge 32 ret shabýyl jasalǵan
AQTÓBE. QazAqparat - Aqtóbe oblystyq jergilikti polıtsııa qyzmeti býkmekerlik keńselerdiń kúzetin kúsheıtýdi tapsyrdy. Sebebi, sońǵy 5 jylda Aqtóbedegi býkmekerlik keńselerge 32 shabýyl jasalǵan, dep habarlaıdy QazAqparat tilshisi.
Aqtóbede jergilikti polıtsııa qyzmeti alyp, satý oryndarynyń qaýipsizdigine alańdap otyr. Jergilikti polıtsııa bastyǵy Qanybek Jaqsyǵalıev býkmekerlik keńselerdiń, lombardtar men aqsha aıyrbastaý pýnktteriniń kúzetin kúsheıtýdi tapsyrdy.
«Býkmekerlik keńselerdi arnaıy lıtsenzııasy joq adamdar kúzetken kezder de boldy. Sońǵy 5 jyldaǵy 32 oqıǵany saralaı kele, kúzetti kúsheıtip, tipti turǵyn úıderge beınebaqylaý kamerasyn qondyrý týraly usynys aıtylyp keledi. Keıbir turǵyn úılerdi kamera bar, biraq jumys istemeıdi»,- dep habarlaıdy Aqtóbe oblystyq ІІD baspasóz qyzmeti.
Jergilikti polıtsııa bastyǵy Qanybek Jaqsyǵalıev adamdar kóp shoǵyrlanatyn, aqsha aınalymy joǵary kommertsııalyq uıymdarǵa kúzetti kúsheıtýge keńes berdi. Sonymen qatar, kúzetti arnaıy mekemelerge senip tapsyrý kerek.
