Aqtóbedegi býkmekerlik keńseden kazıno ashqan top músheleri sottaldy

AQTÓBE. QazAqparat – Aqtóbede býkmekerlik keńse ishinde elektrondy kazıno ashqan 10 sottalýshyǵa qatysty sot úkimi shyqty, dep habarlaıdy QazAqparat tilshisi.

Aqtóbe oblysy boıynsha ekonomıkalyq tergep-tekserý departamentiniń qyzmetkerleri 2014 jyldan bastap elektrondy kazıno qyzmetin uıymdastyrǵan topty anyqtap, qyzmystyq isti sotqa jetkizdi. Uıymdasqan qylmystyq top músheleri zańsyz jolmen aqsha taýyp, paıdaǵa kenelmek bolǵan.

«Olar «Stavkabet.kz» býkmekerlik keńsesin ashqanymen, jasynyn túrde elektrondy kazıno qyzmetin usynǵan. Aqtóbe qalasynyń №2 sotynyń úkimimen qylmystyq toptyń 5 múshesi 2 jylǵa, qalǵan beseýi 6 jylǵa sottaldy. Zańsyz kazınodan tárkilengen 3,5 mıllıon teńge aqsha men 400-den astam oıyn termınaly men túrli qurylǵy memleket kirisine ótti», - dep habarlady QR QMA baspasóz qyzmeti.