Aqtóbedegi boran: Jeńil kólikterge jol ashyldy
AQTÓBE. QazAqparat - Saǵat 17:00-de jeńil kólikterge «Samara - Shymkent» tasjolymen júrýge ruqsat berildi, dep habarlaıdy QazAqparat tilshisi.
Kólikter qar qursaýynda qalǵan kezde 15 patrýldik qyzmet úzdiksiz jumys istedi.
«Jergilikti polıtsııa qyzmeti men Yrǵyz, Áıteke bı aýdandarynyń polıtsııa bóliminen mamandar jiberildi. Boran men kóktaıǵaqqa baılanysty Yrǵyz aýdanyndaǵy qıylysta - 200 kólik, Aral mańyndaǵy jolda - 70, Qalybaı aýyly janynda - 20 kólik tur», - dep habarlady oblystyq PD baspasóz qyzmeti.
Oblystyq TJD habarlaýynsha, jeńil kólikter qozǵalysyna ruqsat berildi.
Eske salsaq, qar qursaýynda qalǵan kólikterdiń 98 paıyzy qysqy dońǵalaq salmaı jolǵa shyqqan.
