Aqtóbedegi avtobýs órti: Sot otyrysy oqıǵa bolǵan Yrǵyz aýdanynda ótedi
AQTÓBE. QazAqparat - Avtobýs órtine qatysty sot otyrysy Aqtóbe qalasynan 470 shaqyrym qashyqtyqtaǵy Yrǵyz aýdanynda bolady. Bul týraly oblystyq sottyń baspasóz qyzmeti málimdedi, dep habarlaıdy QazAqparat tilshisi.
Aqtóbedegi avtobýs órtine qatysty tergeý jumystary 6 aı boıy júrgizilip, is búgin sotqa tústi. Buǵan deıin habarlaǵanymyzdaı, bes adam aıyptalýshy dep tanylǵan. Olardyń úsheýi júrgizýshi jáne avtopark mehanıgi men quryltaıshy. Al avtobýs ıesine halyqaralyq izdeý jarııalandy.
«Búgin sotqa avtobýs órtine qatysty qylmystyq is tústi. Pernebekov, Qyrǵyzbaev, Tanatov, Tilepbaev jáne Perdebaevqa qatysty qylmystyq is Yrǵyz aýdandyq sotynda qaralady. Aldaǵy bes kúnde sot otyrysynyń qaı kúni bastalatyny belgili bolady», - dep habarlady oblystyq sottyń baspasóz qyzmeti.
