Aqtóbedegi avtobýs órti: Ózbekstandyqtardyń ata-anasy balalary qaza boldy degenge senbeıdi
AQTÓBE. QazAqparat - Aqtóbe oblystyq qylmystyq ister jónindegi mamandandyrylǵan aýdanaralyq sotynda avtobýs órtine qatysty sot otyrysy bastaldy, dep habarlaıdy QazAqparat tilshisi.
Aqtóbede avtobýs órtenip, 52 Ózbekstan azamaty qaza tapqan bolatyn. Buǵan deıin habarlaǵanymyzdaı, sot aldy otyrysy aýdanda ótip, negizgi talqylaý oblys ortalyǵyna aýystyryldy.
Búgin basty sot otyrysyna qaza bolǵan ózbekstandyqtardyń ata-analary keldi. Olar qazaq tilin túsinbeıtinin aıtyp, elshilikten aýdarmashy jiberýdi suraǵan.
«Balam Adhamjan Marýfjonov pen nemerem Avazbek Marýfjonov úshin sotqa keldim. Biz balalarymyzdyń bári tiri dep esepteımiz. Sebebi, meniń nemeremniń telefon nómiri óshken joq, áli baılanys aıasynda tur. Biz qazaq tilin bilmeımiz, sondyqtan aýdarmashy suraımyz. Qorǵaýshy da jaldamadyq, bizdiń qorǵaýshymyz - Alla. Barlyǵy 11 adam keldi. Bári balasyn joǵaltqan»,- dedi jábirlenýshi ıÝldýzdjon Ǵanıeva.
Aıta keteıik, jábirlenýshiler men aıyptalýshylar BAQ ókilderiniń sotqa qatysýyna esh qarsylyq kórsetpedi. Qazir sot otyrysy jalǵasyp jatyr.
