Aqtóbedegi avtobýs órti: Qorǵaýshylar istiń oblys ortalyǵynda qaralýyn surap otyr
AQTÓBE. QazAqparat - Aqtóbede avtobýs órtine qatysty negizgi sot otyrysy áli bastalǵan joq. Qorǵaýshylar sot protsesiniń oblys ortalyǵynda ótýin surap, aryz túsirdi, dep habarlaıdy QazAqparat tilshisi.
Aqtóbedegi avtobýs órtine qatysty qylmystyq istiń sot aldy tyńdalymy Yrǵyz aýdanynda ótti.
52 jolaýshy qaza bolǵan oqıǵa boıynsha 5 adam aıyptalyp otyr. Olardyń úsheýi júrgizýshi, bireýi mehanık jáne avtobýs ıesi. Qazirgi kezde avtobýs ıesine halyqaralyq izdeý jarııalanyp, ózge aıyptalýshylar Yrǵyz aýdanynda sottyń bastalýyn kútip jatyr. Sebebi, qylmystyq isti bastaý múmkin bolmaı tur. Qorǵaýshylar sot aldy tyńdalymy kezinde istiń oblys ortalyǵynda qaralýyn surady. Sot ótinish hatty qanaǵattandyrmaı, qorǵaýshylar oblystyq sotqa aryz túsirdi.
«Yrǵyz aýdandyq soty qylmystyq isti oblys ortalyǵyna berý týraly ótinish hatty qanaǵattandyrǵan joq. Sheshimge qorǵaýshylar qarsy bolyp, oblystyq sotqa aryz túsirdi. Aldaǵy ýaqytta qorǵaýshylardyń aryzy oblystyq sotta qaralady. Sheshimniń qaı ýaqytta shyǵatyny belgisiz»,- dep habarlady oblystyq sottyń baspasóz qyzmeti.
