Aqtóbedegi aýylda gaz ballon jarylyp, oqýshy kóz jumdy
AQTÓBE. QazAqparat - Muǵaljar aýylynda gaz ballon jarylyp, úı órtendi. 2010 jyly týǵan bala kóz jumdy, dep habarlaıdy QazAqparat tilshisi.
24 aqpan kúni saǵat 23:51-de Aqtóbe oblysy TJD kezekshi-dıspetcherlik qyzmetine Muǵaljar aýyly, Zaýyt kóshesindegi úı̆de gaz ballon jarylyp, artynan órt shyqqany týraly habarlama tústi. Muǵaljar aýylynyń órt sóndirý bólimi, polıtsııa jáne jedel járdem brıgadasynan 13 adam jáne 4 tehnıka oqıǵa ornyna dereý jetti. Órt 80 sharshy metr jerdi sharpyǵan.
«Jarylys saldarynan úı̆diń qabyrǵalary qulady. Qabyldanǵan sharalar nátıjesinde órt saǵat 03:20-da órt tolyqtaı̆ sóndirildi. Oqıǵa kezinde 2010 jyly týǵan bala qaıtys boldy. 1968 jyly týǵan úı ıesi men 1998 jylǵy azamat ártúrli dárejedegi kúıik alyp, jedel túrde aýdandyq aýrýhanaǵa jetkizildi. Sondaı-aq, oblys ákimi Ońdasyn Orazalınniń tapsyrmasymen jáne oblys ákiminiń birinshi orynbasary Nurjaýǵan Qalaýovtyń basshylyǵymen oqıǵanyń mán-jaıyn anyqtaý úshin arnaıy jedel komıssııa quryldy», - dep habarlady oblystyq TJD baspasóz qyzmeti.
