Aqtóbedegi aýyl mańynan stýdenttiń óli denesi tabyldy
AQTÓBE. QazAqparat - Aqtóbede Jaısań kópsalaly kolledjiniń 1-kýrs stýdentiniń denesi tabyldy, dep habarlaıdy QazAqparat tilshisi.
Aqtóbede 12 sáýir kúni qaıǵyly oqıǵa tirkeldi. Mártók aýdanynyń Jaısań aýyly mańynda 1-kýrs stýdentiniń denesi tabyldy.
«Ata-anasynyń qamqorlyǵynsyz qalǵan 1999 jyly týǵan stýdent Jaısań arnaıy bilim berý uıymynda tárbıelengen. «Aqyl-oıy tejelgen» dıagnozymen psıhıatrdyń esebinde turǵan jáne ІІ-toptaǵy múgedek. Kolledjde «Tiginshi» mamandyǵy boıynsha oqyp, memleket tarapynan shákirtaqy alǵan», - dep habarlady oblystyq bilim basqarmasy.
Aıta keteıik, qylmystyq is boıynsha Alǵa oblystyq balalar úıiniń túlegi, Jaısań kópsalaly kolledjiniń 2-kýrs stýdenti kúdikti retinde qamaýǵa alyndy. Óńirlik kommýnıkatsııa qyzmetiniń habarlaýynsha, kúdikti de psıhıatrdyń esebinde tur. Tergeý jumystary aıaqtalǵansha basqa málimetter jarııalanbaıdy.
