Aqtóbedegi jol apatyna baılanysty qylmystyq is qozǵaldy

AQTÓBE. KAZINFORM – Aqtóbede jol-kólik apatynan soń qylmystyq is qozǵaldy. 

Aqtóbe oblystyq prokýratýrasy taratqan aqparatqa súıensek, qazirgi kezde Qylmystyq kodekstiń 345-babynyń 4-bóligimen is qozǵalyp, tergeý júrip jatyr. 

- Oqıǵa ornyna oblystyq polıtsııa departamentiniń jedel-tergeý toby men aýdandyq prokýratýranyń basshylyǵy shyqty. Atalǵan fakti boıynsha Qylmystyq kodekstiń 345-babynyń 4-bóligimen qylmystyq is tirkeldi. Aldyn ala málimet boıynsha, jol-kólik apaty saldarynan «Lada Largus» kóliginiń 8 jolaýshysy oqıǵa ornynda kóz jumdy. Olardyń jeke basy anyqtalyp jatyr. «Toyota Hilux» kóliginiń júrgizýshisi men 2 jolaýshy Muǵaljar aýdanynyń ortalyq aýdandyq aýrýhanasyna jetkizildi. Іs boıynsha protsestik prokýror taǵaıyndaldy. Tergeý barysy oblys prokýrorynyń jeke baqylaýyna alyndy, - dedi oblystyq prokýratýranyń baspasóz qyzmeti.

Eske salsaq, oqıǵa búgin Aqtóbe-Atyraý tasjolynda boldy. 

- Tergeý aıasynda jol-kólik apatynyń sebepterin jáne onda qaza tapqandardyń jeke basyn anyqtaý boıynsha is-sharalar júrgizilip jatyr. Polıtsııa departamenti jol qozǵalysynyń barlyq qatysýshysyn jol erejelerin qatań saqtaýǵa shaqyrady, - dep habarlady oblystyq PD baspasóz qyzmeti.