Aqtóbedegi 12 adamnyń qazasy: Tergeý jóninde úkimettik komıssııa quryldy

ASTANA. KAZINFORM — Premer-mınıstr Oljas Bektenovtiń tapsyrmasymen Aqtóbe oblysy Áıteke bı aýdany Bógetsaı aýylynyń shetinde bolǵan jol-kólik oqıǵasynyń sebepterin tergeý jóninde úkimettik komıssııa qurylǵany anyqtaldy.

Úkimettiń baspasóz qyzmetiniń málimetinshe, Premer-mınıstr Komıssııaǵa jumysyn dereý bastaýdy, jol apatynyń sebepterin jan-jaqty tekserýdi, qaza bolǵandar men zardap shekkenderdiń otbasylaryna birinshi kezektegi kómek kórsetý sharalaryn qabyldaýdy tapsyrdy.

— Premer-mınıstrdiń orynbasary Qanat Bozymbaev basshylyq etetin Komıssııa quramynda Іshki ister, Eńbek jáne halyqty áleýmettik qorǵaý, Densaýlyq saqtaý jáne Kólik mınıstrlikteriniń jetekshileri, Aqtóbe oblysy ákimdiginiń basshylyǵy bar, — delingen habarlamada.

Eske salsaq, Aqtóbede eki kólik soqtyǵysyp, 12 adam qaza tapty. Oqıǵa Áıteke bı aýdany Belqopa aýyly mańynda boldy. Júk kóligi men jolaýshylar tasymaldaıtyn GAZel soqtyǵysty.

Aman qalǵan jolaýshylardyń úsheýi aýyr jaǵdaıda ekeni aıtyldy.

Jol-kólik oqıǵasynan soń Samara-Shymkent tasjolynyń bir bóligi jabyldy.

ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi.

Aqtóbede jol-kólik apatyna kimniń kináli ekeni naqtylandy.