Aqtóbedegi jol apaty kezinde úsh kenshi qaza tapty

Oqıǵa keshe keshki ýaqytta boldy. Qaza tapqandar — kenshiler, Dóń ken-baıytý kombınatynyń jumysshylary. Olar óz jeke kóligimen júrgen.

— Hromtaý qalasy mańynda Audi jáne GAZel avtokólikteriniń qatysýymen jol-kólik oqıǵasy boldy. Jol-kólik oqıǵasy saldarynan Audi avtokóliginiń júrgizýshisi men bir jolaýshy oqıǵa ornynda kóz jumdy. Taǵy bir jolaýshy medıtsınalyq mekemege jetkizý kezinde qaıtys boldy. Qazirgi ýaqytta jol-kólik oqıǵasynyń barlyq mán-jaıy men sebepteri anyqtalyp, atalǵan fakti boıynsha sotqa deıingi tergeý júrgizilip jatyr, — dep habarlady Aqtóbe oblystyq polıtsııa departamenti baspasóz qyzmeti.

Eske salaıyq, birer kún buryn Samara — Shymkent tasjolynyń Áıteke bı aýdany aýmaǵynda jol-kólik apaty boldy. Júk jáne jeńil kólik soqtyǵysyp, júrgizýshi men kámelet jasqa tolmaǵan bala kóz jumdy.