Aqtóbedegi jol apaty: Qaza bolǵan 5 adam — bir otbasynyń músheleri

AQTÓBE. KAZINFORM — Álııa aýylyndaǵy jol-kólik apatynan soń aýrýhanaǵa jetkizilgen bala kóz jumdy. Jol apaty kezinde bir otbasynan 5 adam mert bolyp otyr.

Samara - Shymkent tasjolyndaǵy apattan soń Qobda aýdandyq aýrýhanasyna jetkizilgen balany aman alyp qalý múmkin bolmady.

— Jedel járdem alǵashynda 3 jasar bala dep shamalap aıtty. Túrli dene jaraqatyn alǵan balany aman alyp qalý múmkin bolmady. Dárigerler 30 mınýt boıy jantalasqanymen, 2020 jyly týǵan bala kóz jumdy. Al aýrýhanaǵa túsken júrgizýshiniń jaǵdaıy birqalypqa tústi. Qazir esin biledi, biraq jaǵdaıy aýyr. Ony sanavıatsııamen Aqtóbe oblystyq kópsalaly aýrýhanaǵa jetkizý joly qarastyrylyp jatyr, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti.

Eske salsaq, búgin, 26 tamyz kúni saǵat shamamen 18:45-te jol-kólik apaty boldy. Onda birden tórt adam kóz jumdy. 

Mert bolǵan eki adam — 12 jastaǵy qyz jáne 14 jastaǵy ul. Jedel járdem 4 jasar bala men 1996 jyly týǵan júrgizýshini aýrýhanaǵa jetkizgen bolatyn.