Aqtóbedegi jol apaty: Ekinshi kólikte bolǵan adamdar aýrýhanaǵa jatqyzyldy

AQTÓBE. KAZINFORM – Aqtóbede 8 adamnyń ólimine ákep soqqan jol apatynan keıin ekinshi kólikte bolǵan 3 adam aýrýhanaǵa jatqyzyldy. Olardyń bireýi – bala. 

Aqtóbe-Astrahan jolynda bolǵan jol-kólik apatynan soń ekinshi kólikte bolǵan úsh adamdy dárigerler qarap shyqqanymen, olar aýrýhanaǵa jatýdan bas tartqan. Keıin olar Aqtóbe qalasyna kelip, dereý tekserýden ótti. 

– Keshegi jol-kólik apatynan zardap shekken erli-zaıyptylar kópsalaly oblystyq aýrýhanaǵa jatqyzyldy. Dıagnozy – jabyq bas mıynyń jaraqaty, mıdyń shaıqalýy. Jaǵdaıy turaqty, palatada. 2009 jyly týǵan bala kópsalaly oblystyq balalar aýrýhanasyna jatqyzyldy. Balanyń jaǵdaıy turaqty, qazirgi ýaqytta ol da palatada. Patsıentter tolyq em alyp jatyr, - dedi Aqtóbe oblystyq Densaýlyq saqtaý basqarmasynyń basshysynyń mindetin atqarýshy Nurbol Tympıev.

Eske salsaq, keshe Aqtóbe-Astrahan tasjolynda eki kólik soqtyǵysyp, 8 adam kólik ishinde janyp ketti. Olardyń tórteýi – oqýshy.