Aqtóbedegi jedel járdem qyzmetiniń baılanys aıasynan tys bolý sebebi anyqtaldy
Aqtóbedegi oblystyq jedel járdem beketi qyzmetine úsh kún boıy bir mezgilde hakerlik shabýyl jasalǵan. Mamandar qazir DDoS shabýyldyń kim jasaǵanyn tekserip jatyr, dep habarlaıdy Kazinform.
Aqtóbe oblystyq jedel járdem beketi táýligine 1200-1400 adam qońyraý shalady. 5, 6, 7 qańtar kúnderi munda saǵat shamamen 18:00-de shabýyl jasalyp, mamandar úsh kún qatarynan jóndeý jumysyn júrgizdi. Al shaqyrtýdyń bári 112 jáne 109 nómiri arqyly qabyldandy.
«5, 6, 7 qańtar kúnderi dıspetcher qyzmetinde ınternet isten shyǵyp, baılanys úzildi. Óte aýyr jaǵdaılar boldy. Bizdiń resmı provaıderimiz «Transtelekom» AQ jumys istep, 5 qańtar kúni saǵat 18:00-19:00 aralyǵynda, 6 qatar kúni saǵat 18:00-22:00 aralyǵynda, 7 qańtar kúni saǵat 18:00-den bastap saǵat 22:00-ge deıin aqaýdy jóndedi. Baılanys bolmaǵan soń 109-ǵa, sonymen birge 112 qyzmetine dıspetcherlerdi jiberip, olar shaqyrtýdy baǵyttap otyrdy», - dedi oblystyq jedel jáne shuǵyl medıtsınalyq kómek stansasynyń bas dárigeri Marat Janqulov.
Onyń aıtýynsha, bul máseleniniń sebebi men shyǵyndy óteý jaıy «Transtelekom» AQ men oblystyq Densaýlyq saqtaý basqarmasynyń zańgerleri aıasynda sheshiledi. qoǵamBúgin jedel jáne shuǵyl medıtsınalyq kómek beketine barǵan «Transtelekom» AQ ókilderi úsh kún boıy hakerlik shabýyl jasalǵanyn habarlady.
«5-7 qańtar aralyǵynda Jedel járdem beketiniń telefonııa jáne ınternetinde qıyndyqtar boldy. Bul 5 qańtar kúni saǵat 18:00 shamasynda bastaldy. Bizdiń qyzmetkerler shuǵyl kelip, jóndedi. DDoS shabýyl jasalǵan. Internetti buǵattaǵan. Kesheden bastap baılanys qalpyna keltirildi. Buǵan deıin aktsıonerlik qoǵam tarıhynda 103-ke qatysty shabýyl bolmady», - dedi «Transtelekom» AQ AOF damý jónindegi dırektory Qanat Syrlybaev.
Onyń aıtýynsha, mamandar birden 103 qyzmetiniń IP adresti ózgertken.
«Uıymdasqan is sııaqty bolyp turdy. Sebebi úsh kúnde de bir ýaqytta shabýyl jasap, ınternetti isten shyǵarady. IP adres qaıta ózgerdi. Endi qaıtalanbaıdy dep senimdimiz. Jalpy kúni boıy emes, 2-3 saǵat qana isten shyqty», - dedi Qanat Syrlybaev.
Aıta óteıik, oblystyq jedel jáne shuǵyl medıtsınalyq kómek stansasynda baılanys úshin jyl saıyn 7-8 mln teńge qarastyrylǵan. Bir jyl boıy «Transtelekom» AQ qyzmet kórsetse, bıyl qaıta «Qazaqtelekom» AQ qyzmet kórsetý baıqaýyn jeńip aldy. Buǵan deıin túrik ınvestorlary arqyly memlekettik-jekemenshik seriktestik negizinde salynǵan beket kommýnaldyq mekemege aınaldy.
