Aqtóbedegi jarylys: Sarapshy mamandar úıdiń jaramdylyǵyn tekserip jatyr

AQTÓBE. KAZINFORM - Sarapshylardyń qorytyndysyna qaraı kómek túri anyqtalady.

Aqtóbe qalalyq ákimdigi komıssııa quryp, úıdiń jaǵdaıyn anyqtaıtyn mamandar jumysqa kiristi.

- Qazirgi ýaqytta «KazInjınırıngTsentr» JShS-niń sarapshy mamandary oqıǵa ornynda jumys istep jatyr. Jalpy osy úı̆diń jaǵdaı̆yn anyqtaý jáne budan ári úı̆ turǵyndaryna jasalatyn qoldaý sharalary úshin sarapshylar qorytyndysy qajet. Turǵyndardyń bir toby jataqhanada jatyr. Olar úsh mezgil as-sýymen jáne jeke gıgıenalyq zattarmen tegin qamtamasyz etilip otyr,- dep habarlady qala ákiminiń baspasóz qyzmeti.

Aıta keteıik, 4-maýsym kúni keshkilik Aqtóbe qalasy Abaı dańǵylynda jarylys bolyp, bir adam qaza tapty.

Jarylys bolǵan úıdegi 4, 5, 6 podezde jaryq óship tur. Turǵyndar týǵan-týysy men ákimdik daıyndaǵan jataqhanany panalady. Ázirge 6 páterdiń búlingeni anyqtaldy.