Aqtóbedegi jalǵyz soǵys ardageri úıde otyryp daýys berdi
AQTÓBE. KAZINFORM – Aqtóbedegi kózi tiri jalǵyz soǵys ardageri Vasılıı Gretskıı daýys berdi. Referendým ýchaskesiniń komıssııa músheleri ardagerdiń úıine baryp, tańdaý jasaýyna múmkindik jasady.
Ekinshi dúnıejúzilik soǵys ardageri Vasılıı Gretskıı Hromtaý aýdanynyń ortalyǵynda turady.
№482 referendým ýchaskesiniń komıssııa músheleri ardagerdiń úıine baryp, bıýlleten toltyrýyna, sóıtip tańdaý jasaýyna múmkindik berdi. Ardager Vasılıı Gretskıı eldegi reformalardyń mańyzdy ekenin atap ótip, keler urpaqtyń jarqyn bolashaǵyna úles qosý árbir azamattyń paryzy dep sanaıtynyn aıtty. Jalpy Hromtaý aýdanynda 201 adam úıden daýys berýge ótinish jasaǵan.
Eske salsaq, Aqtóbe qalasyndaǵy №564 referendým ýchaskesinde Qazaqstannyń Eńbek Eri Quralaı Baımenova óz tańdaýyn jasady. Onyń aıtýynsha, múgedektigi bar adamdar úshin 30-dan astam ınvataksı jumys istedi.
Sondaı-aq, mádenıet qaıratkerleri Maǵzom men Shalqııa Baqytjanovtar óz tańdaýyn jasady. Olar № 37 referendým ýchaskesinde daýys berdi.
