Aqtóbedegi turaqtandyrý qorynda bıyl 4 myń tonnaǵa jýyq kartop saqtalady

AQTÓBE. KAZINFORM – Turaqtandyrý qoryna un jáne un ónimderi men kókónis jınalady. Kókónis forvardtyq kelisimshart boıynsha satyp alynady. 

Áleýmettik mańyzǵa ıe azyq-túliktiń baǵasyn baqylaý, turaqty ustap turý úshin qazirgi kezde kelisimshart jasaldy.

– Bıyl «aınalym shemasy» sheńberinde 44,4 mln teńgege 300 tonna birinshi surypty bıdaı unyn, 52,2 mln teńgege 195 tonna makaron ónimderi (rojkı) satyp alynady. Sonymen birge 325 tonna taýyq etin jetkizýshiler anyqtaldy. Oǵan 400 mln teńge bólindi, - dep habarlady Aqtóbe oblystyq kásipkerlik basqarmasy. 

Aqtóbede 2018-2023 jyldar aralyǵynda 4,5 mlrd teńge qarajat bólinip, turaqtandyrý qory jasaqtaldy. Sodan beri kókónis te saqtalady. 

– Kartop jáne kókónis baǵasyn turaqtandyrý maqsatynda 2025 jyldyń kúzgi egin óniminen maýsymaralyq kezeńge (jeltoqsan-sáýir) jergilikti aýyl sharýashylyǵy taýar óndirýshileriden («Prıgorodnyı» JShS, «Bolat LTD» JShS, «Arman» ShQ) 3900 tonna kartop, 338 tonna pııaz, 412 tonna qyryqqabat, 321 tonna sábiz satyp alýǵa forvardtyq kelisimshart jasaldy, - dep habarlady Aqtóbe oblystyq aýyl sharýashylyǵy basqarmasy.

Aıta keteıik, jyl basynda Aqtóbede kartop 100 teńgege qymbattap ketti. 

Aqtóbe ákimdigi kartop baǵasynyń kóterilý sebebin túsindirdi. Óńirge kartop ózge oblystar men Reseıden ákelinedi. Baǵa da óndirýshilerge táýeldi bolyp tur.