Aqtóbedegi tikushaq apaty: Zardap shekken eki adam esin biledi

AQTÓBE. KAZINFORM — Aqtóbede apatty qonǵan tikushaq ishindegi eki adam aýrýhananyń jansaqtaý bóliminde em qabyldaıdy. Ekeýi de esin biledi.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, ekeýi de qala ortalyǵyndaǵy kópsalaly aýrýhanaǵa jetkizildi.

— Zardap shekken eki adamnyń jaǵdaıy turaqty aýyr. Ekeýi de esin biledi, suraqtarǵa jaýap berip jatyr. Ushaqtyń qulaǵany týraly aqparat 103 qyzmetine saǵat 11:36–da tústi. Oqıǵa ornyna Mártók aýdandyq aýrýhanasynan jedel brıgada jetti. Bir adam jedel járdem barǵansha kóz jumǵan. Al ekeýin aerodromnan kútip alyp, kúıik shalqan naýqastardy oblystyq kópsalaly aýrýhanaǵa jetkizdi. Qazir reanımatsııa jáne ıntensıvti terapııa bóliminde jatyr. Túrli dıagnostıkadan ótedi, — dep habarlady Aqtóbe oblystyq densaýlyq saqtaý basqarmasy baspasóz qyzmeti.

Eske salsaq, búgin Aqtóbede tikushaq qulaǵany belgili boldy.

Keıinnen tikushaq apaty kezinde 1 adam kóz jumǵany anyqtaldy.