Aqtóbedegi tikushaq apaty. Aman qalǵan eki áskerıdiń qazirgi jaǵdaıy qalaı

ASTANA. KAZINFORM — Aqtóbe oblysynyń Densaýlyq saqtaý basqarmasy tikushaq apatynan zardap shekken áskerı qyzmetkerlerdiń qazirgi jaǵdaıyn baıandap berdi.

— Tikushaqtyń apatty qonýy saldarynan zardap shekken ÁQK Áskerı ınstıtýty avıatsııalyq eskadrılıa tikushaǵynyń komandıri Beıbarys Ibraev pen ÁQK Áskerı ınstıtýty oqý-jattyǵý avıatsııalyq ortalyǵynyń aǵa ushqysh-ınstrýktory, aǵa leıtenant Rústem Nıgmetovtiń jaǵdaıy jaqsaryp, aýrýhanadan shyǵaryldy. Olar ambýlatorııalyq baqylaýda bolady, — delingen basqarma habarlamasynda.

Eske salsaq, 9 qarashada Aqtóbe oblysy Mártók aýdany aýmaǵynda tikushaq apatqa ushyrap, janyp ketti.

Bortta úsh adam bolǵan. Onyń bireýi oqıǵa ornynda kóz jumdy.

Keıinnen Aqtóbede tikushaq apatyna baılanysty qylmystyq is qozǵaldy.

Sonymen qatar, Aqtóbe oblysynyń ákimdigi Mártók aýdany Saryjar aýyly mańynda bolǵan tikushaq apatynan zardap shekkenderge kómek kórsetetinin málim etti.

Buǵan deıin Qorǵanys mınıstriniń orynbasary Aqtóbe oblysynda tikushaq apatyna qatysty túsinik berdi.