Aqtóbedegi temirjol tuıyqtarynda ázirge 1700 tonna kómir bar

AQTÓBE. KAZINFORM - Turǵyndarǵa 19 187 kómir qajet. Qatty otyn tonnasynyń baǵasy - 19 500 - 26 000 teńge aralyǵynda.

Aqtóbe oblysynyń aýyl turǵyndaryna kómir Qaraǵandydan tasymaldanady. Shubarkól kómiri qazir Aqtóbe jáne Qandyaǵash qalalarynyń temirjol tuıyqtarynda bar. 

- Temir jol tuıyqtarynda 1 700 tonna kómir (41-razezd – 1 680 tonna, Qandyaǵash – 20 tonna) bar. Baǵasy tonnasyna 19 500 - 26 000 teńge arasynda. Alǵa, Hromtaý, Qobda, Qarǵaly, Oıyl aýdandarynyń turǵyndaryna kómir Aqtóbe qalasyndaǵy 41-razezd jáne Jińishke stantsııasynan tasymaldanady. Yrǵyz aýdanynyń turǵyndaryna Qyzylorda, Qostanaı oblystaryndaǵy jaqyn ornalasqan kópir tuıyqtarynan tasymaldanady. Qalǵan aýdandardyń (Baıǵanın, Mártók, Temir, Áıteke bı, Muǵaljar, Shalqar) turǵyndary jergilikti temirjol tuıyqtarynan alady,- dep habarlady Aqtóbe oblysy ákiminiń baspasóz qyzmeti.

Buǵan deıin Pavlodar, Jetisý, Astana, Qyzylorda, SQO kómir baǵasy men suranys jaıly jazyldy. Jalpy elimizde kómir óndiretin 30 kásiporynda 32 myńnan asa adam eńbek etedi.