Aqtóbedegi referendým ýchaskeleriniń kóbi qala ishinde ornalasqan

AQTÓBE. KAZINFORM – Óńirde barlyǵy 542 referendým komıssııasy jumys isteıdi, Onyń 14-i aýmaqtyq.

Aqtóbe oblystyq aýmaqtyq referendým komıssııasynyń habarlaýynsha, qazirgi kezde ýchaskelerdiń tóraǵasy men músheleriniń quramy anyqtaldy. 15-naýryz kúni barlyǵy 542 referendým komıssııasy jumys isteıdi. Onyń ishinde14-i aýmaqtyq, al 528-i ýchaskelik referendým komıssııasy. Sonymen birge óńirde 528 referendým ýchaskesi qurylǵan. Kóbi Aqtóbe qalasynda ornalasqan.

— Referendým ýchaskesiniń 177-i Aqtóbe qalasynda ornalasqan. Jalpy óńirdegi komıssııanyń 3 myńnan astam múshesi bar. Bári de referendým kezindegi jaýapkershilikti túsenedi, óz mindetterin biledi. Olar daýys berý protsesiniń zań aıasynda júrgizilýin qamtamasyz etedi. Al saılaýshylar sany 22-aqpan kúni belgili bolady, — dep habarlady Aqtóbe oblystyq aýmaqtyq referendým komıssııasy.

Buǵan deıin habarlaǵanymyzdaı, SQO-da 600-ge jýyq referendým ýchaskesi qurylǵan.

Al Batys Qazaqstanda referendýmda daýys berýge quqyly 450 myńnan astam azamat bar.