Aqtóbedegi iri jol apaty: Jasóspirim 20 kúnnen beri esin jımaı jatyr

AQTÓBE. KAZINFORM — Samara-Shymkent tasjolyndaǵy jol apatynan aman qalǵan eresekterdiń kóbi emdi qabyldap, aýrýhanadan shyqty. Al jasóspirim áli de es-túzsiz jatyr.

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, № 1 qalalyq aýrýhanasynda em alǵan eresekterdiń bári de úıine oraldy. Otadan keıin densaýlyǵy jaqsarǵan naýqastyń biri keshe shyǵaryldy. Al oblystyq balalar aýrýhanasynda jatqan jasóspirim áli esin jımady.

— Balanyń jalpy jaǵdaıy áli de asa aýyr. Sebebi bas mıynyń qosarlas jaraqaty bar, — dedi Aqtóbe oblystyq densaýlyq saqtaý basqarmasynyń baspasóz qyzmeti.

Eske salsaq, Aqtóbede eki kólik soqtyǵysyp, 12 adam qaza tapty. Oqıǵa Áıteke bı aýdany Belqopa aýyly mańynda boldy. 

Júk kóligi men jolaýshylar tasymaldaıtyn GAZel soqtyǵysty. Aman qalǵan jolaýshylardyń úsheýi aýyr jaǵdaıda ekeni aıtyldy. 

Jol-kólik oqıǵasynan soń Samara-Shymkent tasjolynyń bir bóligi jabyldy. 

ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi. 

Aqtóbede jol-kólik apatyna kimniń kináli ekeni naqtylandy. 

Premer-mınıstr Oljas Bektenovtiń tapsyrmasymen Aqtóbe oblysy Áıteke bı aýdany Bógetsaı aýylynyń shetinde bolǵan jol-kólik oqıǵasynyń sebepterin tergeý jóninde úkimettik komıssııa qurylǵany anyqtaldy. 

Birneshe kúnde bári de oblys ortalyǵyna jetkizildi. Keıin bireýi sanavıtsııamen Astana qalasyna tasymaldandy. 

Ótken aptada jol-kólik apaty kezinde aman qalǵan alty adamnyń úsheýi aýrýhanadan shyqty.