Aqtóbedegi iri jol apaty: Aman qalǵandardyń ekeýi aýrýhanadan shyqty

AQTÓBE. KAZINFORM — Samara — Shymkent baǵytyndaǵy jol-kólik apaty kezinde aman qalǵan alty adamnyń ekeýi aýrýhanadan shyqty. Al balalar aýrýhanasynda jatqan jasóspirimniń jaǵdaıy áli de asa aýyr, esin jımady. 

Aqtóbe oblystyq densaýlyq saqtaý basqarmasynyń baspasóz qyzmetiniń habarlaýynsha, № 1 Aqtóbe qalalyq aýrýhanasynda jatqan úsh adamnyń ekeýi úıine oraldy. Taǵy bireýiniń jaǵdaıy turaqty. Oǵan ota jasalyp, qazir emin jalǵastyryp jatyr.

— Aqtóbe kópsalaly aýrýhanasynda jatqan bir patsıent erteń úıine shyǵarylady. Al oblystyq balalar aýrýhanasynda jatqan jasóspirimniń jaǵdaıy óte aýyr. Esh ózgeris joq, esin jımady, — dedi Aqtóbe oblystyq densaýlyq saqtaý basqarmasynyń baspasóz qyzmeti.

Eske salsaq, Aqtóbede eki kólik soqtyǵysyp, 12 adam qaza tapty. Oqıǵa Áıteke bı aýdany Belqopa aýyly mańynda boldy.  Júk kóligi men jolaýshylar tasymaldaıtyn GAZel soqtyǵysty. Aman qalǵan jolaýshylardyń úsheýi aýyr jaǵdaıda ekeni aıtyldy.  Jol-kólik oqıǵasynan soń Samara-Shymkent tasjolynyń bir bóligi jabyldy.  ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi.  Aqtóbede jol-kólik apatyna kimniń kináli ekeni naqtylandy. Premer-mınıstr Oljas Bektenovtiń tapsyrmasymen Aqtóbe oblysy Áıteke bı aýdany Bógetsaı aýylynyń shetinde bolǵan jol-kólik oqıǵasynyń sebepterin tergeý jóninde úkimettik komıssııa qurylǵany anyqtaldy.

Birneshe kúnde bári de oblys ortalyǵyna jetkizildi. Keıin bireýi sanavıtsııamen Astana qalasyna tasymaldandy.