Aqtóbedegi órt kezinde 21 saıajaı úıi órtendi
AQTÓBE. KAZINFORM — Órtengen saıjaı úıleriniń jeteýi maýsym saıyn qoldanylsa, 14-i bos turǵan.
Aqtóbe oblysy Alǵa qalasynyń ákimi Jandarbek Baqytjanulynyń aıtýynsha, barlyǵy 23 baý-baqsha ujymy bar. Onyń 14-i ǵana jumys istep tur, qalǵany qaraýsyz qalǵan.
— Barlyǵy 21 saıajaı úıi órtendi. Onyń 14-in qazirgi kezde qoldanylmaı bos turǵan. Qutqarýshylardyń jedel áreketiniń arqasynda órttiń odan ári taralýyna jol berilmedi, 34 saıajaı úıi saqtaldy. Órtti sóndirýge TJM, «Aýyl qutqarýshylary» órt sóndirý beketiniń, jergilikti atqarýshy organdardyń, polıtsııa departamentiniń jáne jedel medıtsınalyq járdem qyzmetiniń shamamen 85 qyzmetkeri men 20-dan astam tehnıkasy jumyldyryldy. Órt tolyǵymen sóndirildi, — dep habarlady Aqtóbe oblystyq TJD baspasóz qyzmeti.
Eske salsaq, búgin Alǵa qalasynda qurǵaq shóp janyp, órt saıajaı aýmaǵyna jaıyldy. Mundaǵy úılerdiń kóbi qoldanylmaı bos turǵan.
