Aqtóbedegi orman alqabyna 10 mıllıonǵa jýyq ekpe salynýy kerek
AQTÓBE. KAZINFORM — Bıyl kóktemde tek 3,2 mln túp ekpe egildi. Bul jospardyń úshten bir bóligi ǵana.
Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Bekbolat Qulmaǵambetovtiń aıtýynsha, kógaldandyrý jáne ormandy molyqtyrý jumysy aıasynda bıyl 3 433 gektar jerge 6,2 mln túp orman ekpesin otyrǵyzý jáne 3,7 mln túp ekpeni tolyqtyrý josparlanǵan. Kóktemde 1 834 gektarǵa 3,2 mln túp ekpe egildi.
— Qazirgi kezde kúzgi ekpe egý jumysy bastaldy. Jyl sońyna deıin jospar tolyǵymen oryndalaýy tıis. Oblys boıynsha qala jáne aýdandardy, eldi mekenderdi kógaldandyrý jumysy júrgizilip, 54 myń túp aǵash otyrǵyzyldy. Jumystar jalǵasady, — dedi Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Bekbolat Qulmaǵambetov.
Eske salsaq, Aqtóbede shamamen jarty mıllıard teńgeniń qum toqtatý jobasy nátıje bermedi. Merdigerler úsh joba boıynsha 488 mln teńgege jýyq qarjyny ıgerdi. Alaıda sekseýil ósip shyqpady, qum toqtamady.
