Aqtóbedegi kafede gaz-aýa qospasy jarylyp, eki adam zardap shekti
ASTANA. KAZINFORM — Aqtóbede turǵyn úıdiń birinshi qabatyndaǵy kafede jarylys boldy.
13 qarasha kúni saǵat 10:28–de Aqtóbe qalasy, Táýelsizdik dańǵyly, 14/1 mekenjaıynda ornalasqan bes qabatty turǵyn úıdiń birinshi qabatyndaǵy kafede gaz-aýa qospasy jaryldy.
Oqıǵa saldarynan kafeniń japsarlas salynǵan qurylymy opyrylyp, artynsha órt shyqty. Sondaı-aq turǵyn úıdiń tereze qurylymdary zaqymdandy.
Oqıǵa ornyna Aqtóbe oblysynyń Tótenshe jaǵdaılar departamentiniń kúshteri men quraldary jedel jetti. Órt saǵat 10:53–te tolyq sóndirildi.
— Oqıǵa saldarynan eki adam zardap shegip, jedel járdem brıgadasymen aýrýhanaǵa jetkizildi. Qaza tapqandar joq. Tótenshe jaǵdaıdy joıý jumystaryna TJD-nyń 45 jeke quram qyzmetkeri men 10 tehnıkasy jumyldyryldy. Oqıǵa ornynda Tótenshe jaǵdaılar departamentiniń bastyǵy júr. Qazir oqıǵanyń sebepteri men mán-jaıy anyqtalyp jatyr, — delingen habarlamada.
Budan buryn Qyzylordadaǵy kafede órt shyǵyp, eki jumysshy kúıip qalǵanyn jazdyq.
