Aqtóbedegi gaz quıý beketterinde áli de uzyn-sonar kezek bar

AQTÓBE. KAZINFORM – Aqtóbe qalasynda gaz áli de tapshy. Uzyn-sonar kezek barlyq gaz quıý beketinde bar. 

Jaz aılarynda bastalǵan tapshylyq kúz kelgende áli jalǵasyp jatyr. Qyrkúıek pen qazan aılarynda uzyn-sonar kezek túzelip, júrgizýshiler saǵattap kútýge májbúr.

– Búgingi kúni Aqtóbe oblysynyń ákimdigi gaz tapshylyǵyn jáne avtogaz quıý stantsııalarynda kezekti boldyrmaý maqsatynda birqatar jumys atqardy. Atap aıtqanda «SNPS-Aqtóbemunaıgaz» AQ-men aradaǵy kelisim boıynsha 1 qarasha kúni 36 vagon (1 296 tonna) gaz jóneltiledi. Bul gaz boljam boıynsha 2 qarashada beketterge jetkiziledi. Sondaı-aq óńirge gazdyń qosymsha kólemin bólý máselesi pysyqtaldy. Nátıjesinde Shymkenttik zaýyttan 900 tonna gaz bólindi. Bul suıytylǵan gaz óńirge 7-8 qarasha kúnderi jetkiziledi dep josparlanǵan. Gaz tapshylyǵy máselesi aldaǵy demalys kúnderi sheshilýi múmkin. Atalǵan másele baqylaýda bolyp, ózge de jumystar atqarylady, - dep habarlady Aqtóbe oblystyq kásipkerlik basqarmasy.

Buǵan deıin QR Energetıka mınıstrligi qazan aıyna 11 388 tonna gaz bólgenin jazǵan edik.

Energetıka mınıstrligi gaz tapshylyǵy máselesin baǵanyń tómen bolýymen baılanystyrdy.