Aqtóbedegi Dóń ken-baıytý kombınatynda uńǵylaýshy kóz jumdy
AQTÓBE. KAZINFORM — Qazir komıssııa qurylyp, tergeý júrip jatyr. Shahtada taý-ken massasy opyrylǵan.
Aqtóbe oblysy Hromtaý qalasynda ornalasqan Dóń taý-ken baıytý kombınatynyń «Bolashaq» shahtasynda taǵy da qaıǵyly jaǵdaı boldy. Jumysshy jaraqat alyp, kóz jumdy.
— 2026 jylǵy 20 qazanda Dóń taý-ken baıytý kombınatynyń shahtasynda saqtandyrý bekitpesin ornatý jumystary kezinde taý-ken massasy opyryldy. Oqıǵa saldarynan uńǵylaýshy aýyr jaraqat alyp, qaza tapty. Oqıǵa týraly tıisti memlekettik organdarǵa habar berildi. Qazirgi ýaqytta tergeý jumystary júrip jatyr. Kombınat basshylyǵy marqumnyń týǵan-týystary men jaqyndarynyń qaıǵysyna ortaqtasyp, kóńil aıtady. Kompanııa otbasyna qajetti kómek kórsetedi, — dep habarlady Dóń taý-ken baıytý kombınaty.
Eske salsaq, byltyr Aqtóbedegi Dóń taý-ken baıytý kombınatynda úsh jumysshyny kúıik shalyp, aýrýhanaǵa túsken edi.
