Aqtóbedegi daýyl: Baıǵanınde bilim berý nysandaryn jóndeý bastaldy
AQTÓBE. KAZINFORM - №2 jáne №3 Qaraýylkeldi orta mektepteriniń shatyrlary qaıta jabylady. Bul jumys apta sońyna qaraı aıaqtalady.
Baıǵanın aýdany ortalyǵy Qaraýylkeldi aýylynda qatty daýyl men nóser jańbyrdan keıingi qalpyna keltirý jumysy bastaldy. Sonyń ishinde bilim berý nysandaryn jóndeý úshin qurylys materıaly tasymaldandy.
- №2 jáne №3 Qaraýylkeldi orta mektepteriniń shatyrlary qaıta jabylýda. Búginde shatyrdyń aǵash qańqasy qurastyrylyp, antıseptıkalyq qurammen óńdelýde. Merdiger mekeme – «STORY Master Elite Group» JShS. Jospar boıynsha apta sońyna deıin atalǵan eki mekteptiń shatyryn tolyq qalpyna keltirý kózdelgen. 20 qurylysshy jumyldyrylǵan. Qalǵan zardap shekken bilim berý nysandary bekitilgen kezektilikke sáıkes jóndeledi,- dep habarlady Aqtóbe oblysy ákiminiń baspasóz qyzmeti.
Aıta keteıik, qatty daýyl kezinde Qaraýylkeldi aýylynda 254 turǵyn úı, 14 áleýmettik nysan, 24 kásipkerlik sýbektisi jáne 6 ákimshilik ǵımarat zaqymdandy.
Buǵan deıin habarlaǵanymyzdaı, 2026 jylǵy 10 shildede qatty daýyl saldarynan baılanys munarasy dúkenge qulady.
