Aqtóbedegi aýylda iriqara brýtsellezine baılanysty shekteý sharasy qabyldandy
AQTÓBE. KAZINFORM - Aqtóbe oblysy Qaraýylkeldi aýyldyq okrýginde brýtsellez aýrýyna baılanysty shekteý sharasy qabyldandy.
QR AShM Veterınarııalyq baqylaý jáne qadaǵalaý komıtetiniń Baıǵanın aýdandyq aýmaqtyq ınspektsııasynyń habarlaýynsha, byltyr qarasha aıynyń sońynda Baıǵanın aýdany Qaraýylkeldi aýylynda buzaý óli týǵan. Veterınar mamandar tóldiń patmaterıalyn alyp, oblystyq veterınarlyq zerthanasyna jiberildi.
- Aqtóbe oblystyq veterınarııalyq zerthana tekserip, saryp (brýtsellez) dıagnozyn qoıdy. Qaraýylkeldi aýyldyq okrýginiń ákimi mal ıesiniń úıinde iri qara mal arasynda brýtsellez aýrýyna qarsy shekteý is-sharalary engizdi. Árbir 15-20 kún saıyn eki ret maldan synama alynady. «Epızootııaǵa qarsy otrıad» RMK-y qorada dezınfektsııalaýjumysyn júrgizedi. Sonymen birge aýdannyń memlekettik veterınarııalyq-sanıtarııalyq ınspektory baqylaýyn júrgizedi. Bul maldyń ıesinde 6 bas múıizdi iri qara, 26 bas usaq mal tirkelgen,- dep habarlady QR AShM Veterınarııalyq baqylaý jáne qadaǵalaý komıtetiniń Baıǵanın aýdandyq aýmaqtyq ınspektsııasy.
