Aqtóbedegi áskerı bólimde bir synypta oqyǵan 6 jigit Otan aldyndaǵy boryshyn ótep júr
AQTÓBE. KAZINFORM — Olar Túrkistan oblysy Arys aýdanynan keldi. Bári de mektep bitirgen soń birden ásker qataryna shaqyrylyp, óz qalaýymen bir bólimge jiberildi.
QR ІІM Ulttyq ulany «Batys» óńirlik qolbasshylyǵynyń baspasóz qyzmetiniń habarlaýynsha, jas jigitterUlttyq ulanynyń 6655 áskerı bólimine keldi. Olar áskerı ant qabyldady.
— Kóktemde 360-qa jýyq jas sarbaz qabyldandy. Olardyń arasynda mektepten bastalǵan dostyqty áskerı ómirde jalǵastyrǵan dostar bar. Altaýy da Túrkistan oblysy Arys aýdanyndaǵy Álibı Jangeldın atyndaǵy jalpy orta mekteptiń túlekteri. Darhan, Jasulan, Baqdáýlet Qaıratuly, Baqdáýlet Ádilbekuly, Bekzat jáne Saıat birge bilim alyp, birge erjetken. Mektep bitirgen soń olar áskerı boryshty da birge óteýge ýaǵdalasyp, búginde Ulttyq ulan sapynda qatar qyzmetke kiristi, — dep habarlady baspasóz qyzmeti.
Ant qabyldaý rásimine sarbazdardyń analary qatysty. Bári de jeıdesine «Alty ana — bir júrek, alty sarbaz — el tiregi» dp jazyp aldy.
— Bizdiń uldarymyz bala kúninen birge ósip, bir synypta oqydy. Mektepti aıaqtaı salysymen áskerge birge baramyz dep sheshim qabyldady. Biz olardyń bul tańdaýyna qoldaý kórsettik, — deıdi sarbazdyń anasy Aqbaıan Saparbekqyzy.
Aıta keteıik, bıyl 21 myńnan astam azamat áskerı qyzmetke attandy. Onyń ishinde Astana qalasynan 1 284 adam shaqyryldy. Olardyń 703-i — Qarýly kúshterge, 405-i — Ulttyq ulanǵa, 119-y — Shekara qyzmetine, 30-y — Tótenshe jaǵdaılar mınıstrligine, 27-si — Memlekettik kúzet qyzmetine jiberildi.
