Aqtóbedegi adam ólimi: Oqıǵanyń qalaı bolǵany tekserilip jatyr

AQTÓBE. KAZINFORM — Aqtóbede transformatordaǵy adam ólimine baılanysty tergeý júrip jatyr. Jaýapty mekeme men tótenshe jaǵdaılar qyzmeti óz nusqasyn aıtty.

Aqtóbe oblystyq TJD baspasóz qyzmetiniń habarlaýynsha, oqıǵa Keńes Nokın aýyly Mıchýrına kóshesindegi № 25 úı mańynda boldy.

— Transformatordyń janyp jatqany týraly aqparat kelip tústi. Shaqyrtý ornyna jetken kezde elektr symdarynyń qysqa tuıyqtalýy bolǵany anyqtaldy. Adamdy toq urǵan. Sol kezde kıimi janǵan, — dep habarlady Aqtóbe oblystyq TJD baspasóz qyzmeti.

Al transformatorǵa jaýapty «Energosıstema» JShS-i bul jerde jaryq sónbegenin, er adamnyń nelikten qulpyn buzyp kirgenin bilmeıtinin habarlady.

— 31 jeltoqsan kúni transformatordyń janyp jatqany týraly aqparat túsken soń shamamen saǵat 18:00–de jaryq berý ýaqytsha toqtatyldy. Jaryq berý ýaqytsha toqtatylǵany úshin keshirim suraımyz. Keıin bári qalpyna keltirildi. Qýattylyǵy 10 kV bolatyn taratý qurylǵysynyń esigi kúshtep ashylǵany kórinip tur. Transformatordyń ózi janbaǵan, qural-jabdyǵy búlinbegen. Qazirgi kezde elektrmen jabdyqtaý ornynda adam denesiniń tabylýyna baılanysty tergeý júrip jatyr, — dedi «Energosıstema» JShS-niń baspasóz qyzmeti.

Eske salsaq, Aqtóbe qalasy mańyndaǵy Keńes Nokın aýylynda transformator órtendi. Onyń ishinde adam bolǵany anyqtaldy.