Aqtóbede jyljymaly vaktsınatsııalaý pýnktteri túnde de jumys isteıdi

AQTÓBE. QazAqparat – Aqtóbe qalasynda 4 jyljymaly vaktsınatsııalaý pýnkti túnde de jumys isteıdi, dep habarlaıdy QazAqparat tilshisi.

Aqtóbede vaktsınatsııalaý jumysy qarqyndy júrip jatyr. Búginde óńirde qazaqstandyq vaktsınanyń 2 myń dozasy jetkizilip, Ulttyq ulan sarbazdaryna berildi.

«1-3 mamyr kúnderi aralyǵynda saǵat 10.00-den 22.00-ge deıin vaktsınatsııalaý jumysy júrgiziledi. Jyljymaly medıtsınalyq keshender QR Tuńǵysh Prezıdent atyndaǵy saıabaq, Ortalyq stadıon aldyndaǵy alań jáne «Anvar», «Dına» gıpermarketteriniń aldynda bolady. Sonymen birge 1-3 mamyr kúnderi aralyǵynda saǵat 10:00-den 22:00-ge deıin qalanyń barlyq emhanasynda vaktsınalaý júrgiziledi», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov. Barlyq ekpe pýnktinde reseılik «Spýtnık V» vaktsınasy salynady.