Aqtóbede jylqyshylar atysyp, úsh adam qaza boldy
AQTÓBE. QazAqparat Aqtóbe oblysy, Baıǵanın aýdanyndaǵy Qyzylbulaq aýyldyq okrýginde jekeniń malyn baǵatyn jylqyshylar ózara atysyp, úsh adam qaza boldy, dep habarlaıdy QazAqparat tilshisi.
Aqtóbedegi Baıǵanın aýdanyna qarasty Jarqamys jáne Qyzylbulaq aýyldyq okrýginde eki adamnyń malyn baǵatyn jylqyshylar ózara atysqan. Laqtybaı jáne Túgisken aýylynyń jylqyshylary buǵan deıin baılanys jasap, bir-birine qatynap turǵan.
«Jylqy baǵatyndardyń biri Jańatań aýylynan. Búgin marqumnyń sadaqasy bolyp jatyr. Ózge ekeýi basqa aýyldardan. Olardyń arasynda ne bolǵanyn eshkim bilmeıdi. Polıtsııa qyzmetkerleri tergeý jumystaryn júrgizdi. Bir adamdy ustady dep estidik. Al jylqysyn baqtyryp otyrǵan aýyl adamy qazir baqtashy izdep júr»,- deıdi aýyl turǵyny Gúlshat Asanqyzy.
Atys kezinde úsh jylqyshynyń qaza tapqany týraly aqparatty Qyzylbulaq aýyldyq okrýgindegi ýchaskelik polıtsııa qyzmetkeri rastady. Qaza bolǵandardyń biri aýyl turǵyny bolsa, ekeýi Aqtóbe qalasynan eken.
