Aqtóbede jyl basynan beri 502 mlrd teńgeden astam ınvestıtsııa tartyldy
AQTÓBE. QazAqparat - 2022-2026 jyldary negizgi kapıtalǵa salynatyn ınvestıtsııa kólemi 7,2 mlrd teńgeni quraıdy. Bıyl 502 mlrd teńge ınvestıtsııa salyndy, dep habarlaıdy QazAqparat tilshisi.
Aqtóbe oblysynda munaı-gaz, taý-ken salasy jetekshi ról atqarady. Jospar boıynsha aldaǵy jyldary da osy salaǵa tartylatyn ınvestıtsııa artpaq.
Oblystyq ındýstrıaldy-ınnovatsııalyq damý basqarmasynyń basshysy Qýandyq Qasymovtyń aıtýynsha, 2022-2026 jyldary aralyǵynda negizgi kapıtalǵa salynǵan ınvestıtsııa kólemi 7,2 mıllıard teńgeni quraıdy.
Al tikeleı sheteldik ınvestıtsııa 6,6 mlrd AQSh dollary bolmaq.
«Bıyl 8 aıda 502,7 mlrd teńge somasynda ınvestıtsııa tartyldy. Ótken jyldyń sáıkes kezeńimen salystyrǵanda ósim 103,4% qurady. Sondaı-aq óńdeý ónerkásibine salynǵan ınvestıtsııa ótken jylmen salystyrǵanda 5,7 mlrd teńgege ósip,e 47,6 mlrd teńgeni qurady. Bıyl taý-ken, óńdeý ónerkásibi, kóterme jáne bólshek saýda, kásibı, ǵylymı jáne tehnıkalyq qyzmet salasyna 316 mln AQSh dollaryn qura ıtyn tikeleı sheteldik ınvestıtsııa tartyldy», - dedi oblystyq ındýstrıaldy-ınnovatsııalyq damý basqarmasynyń basshysy Qýandyq Qasymov.
Bıyl oblys boıynsha týrızm jáne saýda, jeńil jáne tamaq ónerkásibi, munaı-gaz hımııasy, qurylys jáne taǵy da basqa salalarǵa 90,6 mlrd teńgege 30 joba iske asady.
Qazirgi kezde teń jartysyna jýyǵy júzege asyp, 500-ge jýyq turaqty jumys orny ashyldy.
Aıta keteıik, bıyl 8 aıdyń qorytyndysy boıynsha oblys ónerkásibiniń ósimi 102,4% qurady. Statıstıkalyq aqparatqa súıensek, óńirdegi myńnan astam kásiporynda 80 myńnan astam adam jumys isteıdi.
Ónerkásip salasyndaǵy ortasha jalaqy 337,1 myń teńgeni qurady.
