Aqtóbede jyl basynan beri 300-ge jýyq erli-zaıypty ajyrasyp ketti

AQTÓBE. QazAqparat – Bıyl óńirde 273 otbasy ajyrasyp ketti. Olar kóbine sebebin týma-týystary men bas qosqan eki adam arasyndaǵy minez qaıshylyǵymen túsindiredi, dep habarlaıdy QazAqparat tilshisi.

Otbasy qundylyǵyn nasıhattaý, genderlik tendikti damytý jáne otbasy ınstıtýtyn nyǵaıtý maqsatynda «Otbasy qundylyqtary – ortaq mindet» taqyrybynda kásibı medıator, psıhologtar bas qosty.

Shara barysynda mamandar qatysýshylardyń saýaldaryna jaýap berip, juptar arasynda trenıng ótkizip, kásibı aqyl-keńesin bólisti.

Qazirgi kezde «Anaǵa taǵzym» ortalyǵynda kásibı mamandar, medıator men psıhologtar ajyrasý jolyndaǵy nemese turmystyq zorlyq – zombylyqtan zardap shegip júrgen otbasylarmen birge tyǵyryqtan shyǵý jolyn izdeıdi.

Jyl basynan beri ortalyq mamandary 600-ge jýyq otbasyna qoldaý bildirdi.

Ortalyqtyn psıhologi Bıbigúl Qaleldiń aıtýynsha, mamandardyń kómegine júginip kelgen otbasynyń basym bóligi shańyraǵyn saqtap qalady.

«Ajyrasýǵa bel baılaǵandar naqty sebebin aıta almaıdy. Tek otbasy ishindegi túsinispeýshilikti, aýyr sózderdi alǵa tartady», - deıdi Bıbigúl Qalel.

Statıstıkalyq málimetke súıensek, jyl basynan beri 1863 jup otbasyn qursa, ókinishke qaraı onyń 273-i ajyrasty.