Aqtóbede jýrnalıster mingen avtobýs aýdarylyp qaldy
AQTÓBE. QazAqparat - Samara - Shymkent tasjolynda tilshiler mingen mıkroavtobýs aýdarylyp qaldy, dep habarlaıdy QazAqparat tilshisi.
Іshki ister mınıstrliginiń aqparattyq portalynyń habarlaýynsha, oqıǵa búgin saǵat 09:30-da Samara - Shymkent tasjolynyń 1024 shaqyrymynda, ıaǵnı Áıteke bı aýdanynyń Ulǵaısyn aýyly mańynda bolǵan.
«Bizde eki adam baqylaýǵa alyndy. Jýrnalıstiń jaǵdaıy ortasha aýyr. Jabyq bas-mı jaraqaty, keýde tusy zaqymdanǵan. Tańerteńge deıin baqylaýda bolady. Al júrgizýshige sanavıatsııa shaqyryldy», - dep habarlady Hromtaý aýdandyq aýrýhanasynan.
Aıta keteıik, tilshiler Yrǵyz jáne Shalqar aýdany ákimderiniń esep berý sharasyna qatysý úshin búgin jolǵa shaqqan bolatyn. Olardyń arasynda jergilikti jáne respýblıkalyq BAQ ókilderi bar.
