Aqtóbede júrgizýshiden aqbókenniń myńnan astam múıizi tárkilendi
Baıǵanın aýdany polıtsııa bóliminiń qyzmetkerleri UQKD qyzmetkerlerimen birlesip, jedel izdestirý is-sharasyn ótkizdi. Nátıjesinde Baıǵanın aýdanynyń Noǵaıty aýlynan shyqqan «Ford Galaxy» avtokóligin toqtatty. Rýlde Batys Qazaqstan oblysynyń 35 jastaǵy týmasy boldy. Avtokóliktiń salonyn tekserý barysynda artqy oryndyqtan jalpy sany 416 dana aqbóken múıizi bar 3 qap tabyldá jáne tárkilendi.
«15-qańtar kúni saǵat 23:30-da taǵy basqa top ustaldy. Baıǵanın aýdanynyń Qaraýylkeldi aýylynan shyqqan BQO-nyń 35 jastaǵy turǵynynyń basqarýyndaǵy «Toyota Crown» avtokóligi toqtatyldy. Kólik ishinde taǵy adam bolǵan. Avtokóliktiń salonyn tekserý barysynda artqy oryndyqtan 6 qorapqa salynǵan 643 dana aqbóken múıizi boldy. Osy faktiler boıynsha Qylmystyq kodekstiń «Aqbókendi zańsyz óndirý, joıý, sol sııaqty zańsyz óndirilgen aqbókendi nemese onyń derıvattaryn, onyń ishinde múıizderin satyp alý, saqtaý, ótkizý, ákelý, áketý, jóneltý, tasymaldaý» boıynsha sotqa deıingi tergep-tekserý bastaldy», - dep habarlady oblystyq PD baspasóz jetekshisi Erbolat Sarqulov.
Qazirgi kezde tergeý júrip jatyr.
VIDEO: Aqtóbe oblystyq PD baspasóz qyzmeti.
